Wat irriteer jou?


Iewers het ek raakgelees: “Wat irriteer jou?”

Ek wil die vraag vir jou vra… Wat irriteer jou?

 

Ek antwoord sommer gou my eie vraag…

 

         Wat my deesdae irriteer, is mense wat aan die linkerkant by my verby ry, terwyl daar nie ‘n baan is vir verkeer nie. Gewoonlik is dit spitverkeer. En daar is reeds ‘n lang ry karre wat wag vir die verkeerslig of stopstraat. Almal wag hulle beurt af. Dan sal iemand verby jou jag aan die linkerkant, baiekeer ‘n klomp stof ry, en dan daar voor gaan indruk, om ook oor die straat te kom. Gevolglik moet ek nog langer wag. Sy verskoning is waarskynlik heel geldig… Hy kan nie laat kom vir sy volgende afspraak nie. Wel, eintlik ‘n swakkerige verskoning, want meeste in die lang ry karre wat wel hulle beurt afwag, is waarskynlik ook oppad na ‘n afspraak.

 

         Nog iets wat my irriteer: Mense wat al swat gebeur in SA blameer op rassisme, regstellende aksie, ens… (Dalk veralgemeen ek baie erg daarmee, maar na verlede Sondag se Rapport, is dit hoe ek die afgelope ruk voel.)

 

         As ek mense sien en dit lyk of hulle my ken OF hulle lyk bekend, maar ek kan nie onthou vanwaar af ek hulle ken nie. Ek weet nooit of ek so iemand moet groet of nie moet groet nie. (Dis dalk nie regtig ‘n irritasie nie)

 

         Ek loop iemand raak wat ek ken, en ek weet daardie persoon ken my (hy’t my Sondag in die kerk gegroet!). Hy kyk my direk in die oë, en loop dan verder asof ek deurskynend is. En dit irriteer my nog méér as ek gegroet het en hy groet nie terug nie. (En as daardie persoon my dan Sondag vra waarom ek hom nie groet in die Mall nie, wel….)

 

         Anglisismes… Engelse woorde wat direk in Afrikaans gesê word, terwyl daar klaar twee moontlike Afrikaanse woorde daarvoor bestaan. Mens hoor die goed nogal baie van kansels af (weet, die predikante gebruik dit), en mense wat werk vir ATKV van alle plekke! En op RSG… luister bietjie.

 

So, wat irriteer jou?

Advertisements

Oor “The Shack” / About “The Shack”


Ek is op die oomblik besig met die boek The Shack, geskryf deur William P. Young.

Ek gaan nie eers probeer om nou al te veel van die boek te se nie. Ek sit voor die TV en kyk sokker (Engeland vs. Duitsland), so ek konsentreer glad nie nou op boeke oordink nie.

Ek kan wel se dat ek deur die dag tot aan die einde van hoofstuk 4 gelees het. Tot aan die einde van hoofstuk 3 was die boek bitter stadig. (Weet nie of iemand verstaan wat ek bedoel nie?) Maar skielik in hoofstuk 4 kry dit toe rigting!

 

Het jy al ‘n boek gelees wat so boring begin dat jy dit net wil terugsit in jou boekrak (of in ‘n boks sit met al jou “opgaarboeke”), om net skielik so aangegryp te word deur twee bladsye van die boek, dat jy sommer dadelik besluit die boek word nou anders beoordeel (en verder gelees!)?

Watter boek was dit, en wat het jou opinie verander? Is jy bly jy het aangehou, of is jou oorspronklike gedagtes oor die boek bevestig?

 

 

I am currently busy with the book The Shack, written by William P. Young. I’m not even going to try too say to much about the book now. I’m sitting in front of the TV and am watching soccer (England vs. Germany), so I’m not concentrating at all on thinking about books.

I can say, though, that I read up onto the end of chapter 4. Till the end of chapter 3, the book was very slow. (I don’t know if someone might understand?) Suddenly, in chapter 4, it’s as thought the book came to life!

 

Have you ever read a book which was so boring at the beginning that you wanted to put it back on your shelf (or put it in a box with all the other “scrap”), to suddenly be surprised by the interesting few pages of a chapter, that you immediately decide to give the book another chance?

Which book was it, and what made you change your opinion? Are you glad you kept reading, or were your original thoughts on the book confirmed?

Opgewonde oor sport!


Ek het laasnag (19 Nov) tot vanoggend vroeg sokker gekyk. Eers was daar die highlights van verlede naweek se English Premiership League. Engelse sokker is darem net goed ne? Wel, ek hou daarvan. Veral ManU… Daar is altyd goeie sokker tussen Engelse spanne. En mens kan nooit regtig geld opsit op ‘n span nie (ek dobbel nie!).

Bafana Bafana (SA se sokkerspan), het teen Kameroen gespeel. Nogal in Rustenburg! Bafana is so omtrent, ag, ek weet nie hoeveelste in wereldsokker. En Kameroen is so 21ste! (In rugbyterme sou mens kon se dis New Zealand vs. Italie – Italie se kanse om te wen is so 50-2) En toe wen Bafana! 3-2. En dit was nogal mooi sokker! Ek hoop jy het dit gesien! Wanneer laas het jy ‘n goeie sokker game gesien, een waar dit score na 35 minute 2-2 is en eers na amper 85 minute word die wen-goal aangeteken? En dan is die wenspan die groen en goud van Suid-Afrika!!!

En ek kyk actually nog die Duitsland vs Engeland “friendly”. Ek stel dit so, want daar is nie regtig so iets soos ‘n friendly in internasionale sokker nie, en die twee spanne is aartsvyande (dink Bulle vs Sharks)! Maar dis ‘n huge goeie game!

 

Waarom skryf ek al die goed?

Wel, in 2010 is dit Sokker Wereldbeker in Suid-Afrika. En met al die sokker wat ek vanaand gesien het, raak ek sommer opgewonde! O, en dan is daar nog die Confederations Cup volgende jaar. Die sewe wenners van al die streke wereldwyd, asook Bafana Bafana speel teen mekaar in ‘n mini wereldbeker.

Dis groot sokker! Amper soos Tri-Nations of SA vs. Aus in krieket! En selfs ‘n klomp rugby en krieket ondersteuners sien uit na die Confederations Cup en Wereldbeker!

 

Ja, dit was nou maar net ‘n bietjie gedagtes oor die sokker…

Ek is nie omskep in die grootste sokker-fan in SA nie. Ek sien nie minder uit na dag 2 van die toets tussen SA en Bangladesj nie. Ek is nogsteeds baie opgewonde oor die SA vs. Aus reekse wat voorle!

Maar, ek raak net al meer opgewonde oor die heerlike sokker wat voorle!

Dink net aan games soos Italie vs Brasilie in Pretoria, of Engeland vs Duitsland in Johannesburg, of Bafana Bafana vs. Azuri in Rustenburg! Sal lekker wees om van die games actally te kan sien! Vanuit die paviljoene!!

 

Sien jy al uit na die Confederations Cup of na Wereldbeker 2010?

Of sien jy, soos ek, uit na toetskrieket EN eendagkrieket EN Twenty20 se groot reeks: Proteas in Australie en Australie in Suid-Afrika?

Na watter ander sportgeleenthede sien jy nog uit?

Ek moet se, ek sien ook vreeslik baie uit na die dag wat Jacques Kallis oor 15000 lopies gaan en wat Jacques Kallis en AB de Villiers elkeen hulle 300-lopie merk in ‘n kolfbeurt kan bereik! (Kallis skuld ons ‘n 300!)

 

By the way, Engeland het toe 2-1 gewen…